Zelenski BMT Təhlükəsizlik Şurasından dəstək istədi
Ukrayna prezidenti Volodimir Zelenski Birləşmiş Millətlər Təşkilatının (BMT) Təhlükəsizlik Şurasına (BMT) müraciət edərək, Rusiya prezidenti Vladimir Putinin beynəlxalq qaydaları pozduğunu və sülhə məcbur edilməsi lazım olduğunu bildirib.
Zelenski BMT Təhlükəsizlik Şurasının Ukraynada sülh və təhlükəsizliyin təmin edilməsi adı altında keçirilən yüksək iştiraklı sessiyada çıxış edib.
Ukrayna və Rusiya arasındakı müharibədə beynəlxalq ictimaiyyətdən dəstək istəyən Zelenski, "Putin o qədər beynəlxalq norma və qaydaları pozub ki, özü istəyərək dayanmayacaq. Rusiyanı ancaq sülhə məcbur etmək olar və bu da məhz lazımdır” deyib.
Kreml administrasiyasının müharibədə yeganə təcavüzkar tərəf olduğunu deyən Zelenski, BMT Nizamnaməsini pozan Rusiyanın hücumlarını genişləndirdiyini vurğulayıb.
Ukrayna prezidenti iddia edib ki, bu qış Rusiya növbəti dəfə ölkəsinin enerji sistemlərini məhv etməyə və atom elektrik stansiyalarını hədəfə almağa hazırlaşır və əllərində buna dair sübutlar var.
“Birlik həmişə sülhə işləyir və biz müharibəni tamamilə bitirmək üçün ikinci sülh sammitini hazırlamalıyıq”. Zelenski bütün xalqları, BMT Nizamnaməsinə həqiqətən hörmət edənləri bu prosesdə iştirak etməyə dəvət edib.
Mənbə: AA
