Əliyar Ağayev Avropa Liqası oyununa təyinat aldı
Azərbaycanın FIFA referisi Əliyar Ağayev UEFA Avropa Liqasının oyununa təyinat alıb.
AFN.az xəbər verir ki, bu barədə AFFA-nın rəsmi saytında məlumat yayılıb. O, Macarıstanda yerli "Ferentsvaroş” və İsveç təmsilçisi "Malmö” arasında keçiriləcək V turun matçını idarə edəcək.
Ə.Ağayevə Zeynal Zeynalov və Akif Əmirəli kömək edəcəklər. Dördüncü hakim funksiyasını İnqilab Məmmədov yerinə yetirəcək.
Noyabrın 28-də Budapeşt şəhərində yerləşən "Ferentsvaroş” stadionunda keçiriləcək görüş Bakı vaxtı ilə saat 00:00-da başlayacaq.
