İsveç 2027-ci ildə NATO-nun komandanlığına təxminən 5,4 min hərbçi verəcək
İsveç 2027-ci il dekabrın 31-dək NATO-nun sərəncamına quru qoşunlarından 3,9 minədək, Hərbi Dəniz Qüvvələrindən 850-dək, Hərbi Hava Qüvvələrindən isə 600-dək hərbçi verməyi planlaşdırır.
AFN.az xəbər verir ki, bu barədə parlamentin müzakirəsinə təqdim olunan qanun layihəsində qeyd olunub.
Sənəddə bu addımın məqsədinin NATO-nun Şimali Atlantika regionunda kollektiv çəkindirmə və müdafiəni təmin etmək olduğu bildirilib. Quru qoşunlarının Finlandiya və Latviyaya göndərilməsi nəzərdə tutulur.
İsveçin xarici işlər naziri Mariya Malmer Stenerqard qeyd edib ki, NATO hazırda Avropanın öz təhlükəsizliyinə görə daha böyük məsuliyyət daşımağa başladığı dəyişiklik dövründən keçir.
Bundan başqa, İsveç 2026-cı ilin dekabrında Polşada NATO-nun hava hücumundan müdafiə ehtiyacları üçün “Patriot” sistemini təqdim etməyi planlaşdırır. Müvafiq qərar parlament tərəfindən təsdiqlənərsə, İsveç bu sistemdən 2027-ci ilin yazında da istifadə üçün ayırmağa davam edəcək.
