Gürcüstanın baş naziri müxalifətlə danışıqların mümkünlüyünü istisna edib
AFN.az yerli mediaya istinadən xəbər verir ki, bu barədə o, keçirdiyi mətbuat konfransında bildirib. Mövzu ilə bağlı sualı cavablandırarkən baş nazir deyib: "Qətiyyən! Heç bir danışıq aparılmır".
Noyabrın 28-də Gürcüstanda yeni etiraz dalğası başlayıb. Buna səbəb Gürcüstanın baş naziri İrakli Kobaxidzenin bəyanatı olub. O bildirib ki, hakim “Gürcü Arzusu – Demokratik Gürcüstan” partiyası 2028-ci ilin sonuna qədər Avropa İttifaqına üzvlüklə bağlı danışıqlar məsələsini gündəmə gətirməmək və qurumun bütün qrantlarından imtina etmək qərarına gəlib.
