Makron Fransa şirkətlərindən ABŞ-a investisiya yatırmaqdan çəkinməyi istəyib
Fransa prezidenti Emmanuel Makron fransız şirkətlərindən rüsumlarla bağlı vəziyyət həll olunana qədər Amerika iqtisadiyyatına investisiya yatırmaqdan çəkinmələrini istəyib.
AFN.az xarici mediaya istinadən xəbər verir ki, o, hökumət rəhbərləri və aparıcı şirkətlərlə görüşdə bu haqda danışıb. “Biz vəziyyət aydınlaşana qədər ABŞ iqtisadiyyatına əlavə investisiyalardan çəkinməliyik” - deyə Fransa prezidenti qeyd edib.
Makronun fikrincə, ABŞ Avropanı vurduğu müddətdə qitənin aparıcı şirkətləri Amerika iqtisadiyyatına milyardlarla avro sərmayə qoymamalıdır.
Qeyd edək ki, aprelin 2-də ABŞ prezidenti Donald Tramp Vaşinqtonun bir çox ölkədən idxala rüsumlar tətbiq edəcəyini, Aİ-nin 20 faizlik rüsumlarla üzləşəcəyini açıqlayıb.
