ABŞ və Çin hərbi risklərə qarşı dəniz təhlükəsizliyini müzakirə ediblər
ABŞ və Çinin hərbi rəsmiləri dənizdə hərbi təhlükəsizlik risklərinin azaldılması ilə bağlı qarşılıqlı narahatlıqları müzakirə ediblər.
ABŞ-ın Hind-Sakit Okean Qüvvələri Komandanlığından (INDOPACOM) verilən açıqlamaya görə, Çinin Şanxay şəhərində bir araya gələn iki ölkənin hərbi rəsmiləri hərbi risklərə qarşı dəniz təhlükəsizliyini müzakirə ediblər.
Tərəflər dənizdə hərbi təhlükəsizliklə bağlı qarşılıqlı narahatlıqları, habelə Çinin dəniz və hava qüvvələrinin təhlükəsiz və qeyri-peşəkar hərəkətlərinin azaldılması barədə danışıblar.
Çin Müdafiə Nazirliyinin bəyanatına görə, tərəflər dəniz və hava məkanının təhlükəsizliyi ilə bağlı səmimi və konstruktiv fikir mübadiləsi aparıblar.
Çin bəyan edib ki, bütün təhlükəli təxribatçı hərəkətlərə cavab verməyə və ərazi suverenliyini, dəniz hüquq və maraqlarını qətiyyətlə qorumağa davam edəcək.
Görüşün ABŞ-ın müdafiə naziri Pit Heqsetin Asiyaya, o cümlədən Filippin və Yaponiyaya martın sonunda ilk səfərindən sonra keçirilməsi diqqət çəkib.
