ABŞ İranın cənubundakı Ciroft hava limanına zərbə endirib
İranın cənubunda, Kerman ostanında yerləşən Ciroft şəhərinin mülki hava limanı ABŞ-nin zərbələrinə məruz qalıb.
AFN.az xəbər verir ki, bu barədə İranın Dövlət Teleradio Şirkəti (IRIB) məlumat verib.
Daha əvvəl ABŞ Silahlı Qüvvələrinin Mərkəzi Komandanlığı (CENTCOM) İrandakı hədəflərə bir sıra zərbələr endirildiyini bildirmişdi. "Press TV" telekanalının məlumatına görə, Qeşm adası və bir sıra sahil şəhərləri də daxil olmaqla, İranın cənub sahillərində bir neçə partlayış baş verib.
