Rusiya dost olmayan ölkələrdən hazır balıq və dəniz məhsullarının idxalını qadağan etdi
Rusiya dost olmayan ölkələrdən hazır balıq və dəniz məhsullarının idxalına qadağa qoyub.
Rusiya İqtisadi İnkişaf Nazirliyindən verilən açıqlamada Qərb ölkələrinin sanksiyalarına qarşı əlavə əks addımların atılmağa davam etdiyi qeyd olunub.
Bu çərçivədə bəyanatda qeyri-dost ölkələrdən hazır balıq və dəniz məhsullarının idxalına qadağa qoyulduğu bildirilib və sözügedən ölkələrdən şərab idxalında gömrük rüsumunun 12,5 faizdən 20 faizə qaldırılmasına qərar verilib.
Açıqlamada, yerli istehsalçıların sözügedən məhsulların AB, ABŞ və Norveçdən idxalını dayandırmaqla bazarda yaşanacaq boşluğu dolduracağı vurğulanıb.
