2023-cü ilin yayı ən isti yay kimi tarixə düşüb
Bu il Şimal yarımkürəsinin yayı tarixdə ən isti olub.
Avropa İttifaqı (Aİ) tərəfindən maliyyələşdirilən Kopernik İqlim Dəyişikliyi Xidmətinin məlumatına görə, 2023-cü ilin iyun, iyul və avqust aylarında havanın orta temperaturu qlobal miqyasda ən yüksək səviyyəyə çatıb.
2023-cü ilin yayında havanın temperaturu orta göstəricidən 0,66 dərəcə artaraq 16,77 dərəcəyə çatıb.
Bu ilin ilk 8 ayında aparılan ölçmələrlə 2023-cü il 2016-cı ildən sonra qeydə alınan ən isti il oldu. 2023-cü ildə orta temperatur 2016-cı ildən cəmi 0,01 dərəcə aşağı olub.
Dəniz səthinin normadan yüksək temperaturu Şimali Atlantikada və dənizlərin o tayında da ölçüldü. Avropada yay aylarında dənizlərdə isti dalğaları baş verib. İyunda İrlandiya və İngiltərədə, iyul və avqust aylarında isə Aralıq dənizində istilik dalğaları qeydə alınıb.
