Hakan Fidan: "Türkiyə Azərbaycanın yanında olmağa davam edəcək"
Türkiyənin Xarici işlər naziri Hakan Fidan Qarabağdakı son hadisələrlə bağlı “Türkiyə Azərbaycanın yanında olmağa davam edəcək” sözlərini deyib.
Xarici işlər naziri Hakan Fidan Türk Dövlətləri Təşkilatının (TDT) Xarici İşlər Nazirləri Şurasının iclası üçün getdiyi Qazaxıstanın paytaxtı Astanada həmkarları ilə görüşüb.
Fidan, bu gün Astanada keçirilən Türk Dövlətləri Təşkilatının liderlər zirvə toplantısından əvvəl keçirilən Xarici İşlər Nazirləri Şurasının iclasında etdiyi çıxışında, "Türk dünyası getdikcə daha çox təşkilatlanır və əməkdaşlığı dərinləşdirir" ifadələrini işlədib.
O, təşkilatı Şimali Kipr Türk Cümhuriyyətinə (KKTC) dəstək verməyə çağıraraq, "Kıbrıs Türk xalqına qarşı tətbiq edilən ədalətsiz və insanlıqdan kənar təcridin qarşısında birlikdə almalıyıq" deyib.
Qarabağdakı son hadisələrə gəlincə, “Türkiyə Azərbaycanın yanında olmağa davam edəcək" deyən Fidan, üzv ölkələrin xüsusilə ticarət, iqtisadiyyat, enerji və nəqliyyat sahələrində böyük potensiala malik olduğuna diqqət çəkib.
“Biz Türk Dövlətləri Təşkilatına üzv ölkələr arasında əməkdaşlığın sürətlə institusionallaşmasından və dərinləşməsindən çox məmnunuq”. Nazir Fidan Orta Dəhlizin investisiya baxımından daha cəlbedici olması və Transxəzər ehtiyatlarının, xüsusilə Türkmənistan təbii qazının Türkiyə və Avropaya nəqli üçün səylərin göstərilməsinin vacibliyini də vurğulayıb.
