Robot işçini qutu ilə səhv salıb öldürdü
Cənubi Koreyada robot bir adamı əzib öldürüb. Maşın adamla yemək qutularını ayırd edə bilməyib.
Yonhap xəbər agentliyinin verdiyi məlumata görə, ölən şəxs robototexnika şirkətinin əməkdaşı olub.
İnsident çərşənbə axşamı, noyabrın 7-də baş verib. Cənubi Gyeongsang əyalətindəki kənd təsərrüfatı paylama mərkəzində bir işçi robotun sensorlarını sınaqdan keçirərkən, bolqar bibəri qutularını qaldıran və onları paletin üzərinə qoyan sənaye robotu, görünür, nasaz olub və işçinin qutu olduğunu müəyyən edib. Robot qolu kişinin yuxarı bədənini konveyer lentinə basaraq üzünü və sinəsini əzib.
Kişi xəstəxanaya çatdırılsa da, daha sonra aldığı xəsarətlərdən orada ölüb.
Polis çeşidləmə mərkəzinin mühafizə menecerlərinin vəzifələrini yerinə yetirərkən mümkün səhlənkarlıqlarını araşdırır.
Zavodun sahibi olan Tonqoson Kənd Təsərrüfatı İxrac Kompleksinin sözçüsü hadisədən sonra dəqiq və təhlükəsiz sistem yaratmağa çağırıb.
Qeyd edək ki, bu, Cənubi Koreyada ilk belə hal deyil. Martda 50 yaşlı kişi avtomobil hissələri fabrikində işləyərkən robot tərəfindən sıxışdırılaraq ağır yaralanmışdı.
