Almaniya Ukraynaya hərbi yardımı ikiqat artırmaq niyyətindədir
Almaniya kansleri Olaf Şolzun hakim koalisiyası gələn il Ukraynaya hərbi yardımı iki dəfə artıraraq 8 milyard avroya çatdırmağa razılaşıb.
AFN.az-ın məlumatına görə, bu barədə "Reuters" Berlindəki siyasi mənbəyə istinadən xəbər verib.
Parlament tərəfindən təsdiq olunarsa, Almaniyanın müdafiə xərcləri ümumi daxili məhsul hədəfinin 2,1%-nə qədər artacaq.
Sosial Demokratlar, Azad Demokratlar və Yaşıllar Partiyasından olan qanunvericilər Bundestaqın büdcə komitəsinin noyabrın 16-da keçiriləcək rəsmi iclası öncəsi təklif olunan 2024-cü il federal büdcəsi ilə bağlı danışıqları artırmaq barədə razılığa gəliblər.
Müdafiə naziri Boris Pistorius ARD televiziyasına müsahibəsində Ukraynaya hərbi yardımın iki dəfə artırılmasının planlaşdırıldığını qeyd edib. "Bu, Ukraynaya onu çətin vəziyyətdə qoymayacağımıza dair güclü bir siqnaldır", - deyən Pistorius əlavə edib ki, bu addım razılaşdırılarsa, illik büdcə ayrılması bütün il üçün kifayət edəcək.
Almaniyanın “Bild am Sonntag” qəzeti də komitənin əlavə 4 milyard avronu təsdiqləməli olduğunu yazıb.
