Corc Floydu öldürən keçmiş polis həbsxanada ağır yaralanıb
Corc Floydun ölümündə təqsirli bilinən Minneapolis ştatının keçmiş polis zabiti Derek Şovin cümə günü federal həbsxanada bıçaqlanıb və ağır yaralanıb.
Bu barədə Associated Press mənbəyə istinadən xəbər verib.
Federal Həbsxanalar Bürosu Arizona ştatının Tucson şəhərindəki Federal İslah Müəssisəsində naməlum məhbusun hücuma məruz qaldığını təsdiqləyib, lakin onun Şovin olub-olmadığını təsdiqləməkdən imtina edib.
Xəbər agentliyi mənbəyə istinadən xəbər verir ki, 47 yaşlı Şovin həbsxanada başqa bir məhbus tərəfindən bıçaqlanıb.
Büro verdiyi açıqlamada, orta təhlükəsizlik həbsxanasının işçilərinin hücuma cavab verdiyini və təcili tibbi yardım xidmətləri tərəfindən müalicə üçün xəstəxanaya aparılan bir nəfərin həyat xilasetmə tədbirləri gördüyünü söyləyib.
Həbsxanalar bürosundan əlavə ediblər ki, hadisə nəticəsində heç bir əməkdaş xəsarət almayıb və ictimaiyyət üçün təhlükə yaranmayıb.
