Litva Çinin respublikadakı seçkilərdə maraqlı olduğunu açıqlayıb
Çin Xalq Respublikasının (ÇXR) kəşfiyyatı Litvada keçiriləcək prezident seçkilərinə maraq göstərir.
Bu barədə Baltikyanı ölkənin Hərbi Kəşfiyyat və Təhlükəsizlik Xidməti məlumat yayıb.
Kəşfiyyat xidmətlərinin məlumatına görə, Pekin əvvəllər Vilnüsün xarici siyasəti ilə maraqlanırdı, lakin indi Çinin əsas vəzifəsi sosial şəbəkələr vasitəsilə Litvada siyasi parçalanmanı artırmaqdır. "Onun kəşfiyyat xidmətləri potensial hədəflərlə əlaqə yaratmaq, həmçinin Litvaya qarşı kibercasusluq üçün sosial mediadan getdikcə daha çox istifadə edir", - hesabatda deyilir.
Aydınlaşdırılır ki, Çin Kommunist Partiyası (ÇKP) strateji məqsədlərinə çatmaq üçün dövlət və özəl təşkilatlar, eləcə də universitetlər də daxil olmaqla geniş kəşfiyyat şəbəkəsindən istifadə edir.
Kəşfiyyat xidməti xəbərdarlıq edir ki, Cənub-Şərqi Asiya ölkələrində istirahət edən Litva vətəndaşları işə qəbul üçün asan hədəfə çevrilə bilər.
