Türkiyənin hədəfi: 2025-də sağlamlıq turizmində 2 milyon turist, 20 milyard dollar gəlir
“Türkiyənin sağlamlıq turizmi hədəfi 2025-ci ildə 2 milyon turist və 20 milyard dollar gəlirdir”.
Bunu Şimali Kipr Türkiyə Cümhuriyyətində (ŞKTC) Dünya Sağlamlıq Turizm Şurasının (GHTC) 6-cı zirvə toplantısındakı çıxışında THTC və GHTC-nin qurucu prezidenti Emin Çakmak deyib. O, Türkiyədə sağlamlıq turizmi obyektlərinə 50 milyard dollardan çox sərmayə qoyulduğunu və sağlamlıq turizmində 15 mindən çox həkimin çalışdığını diqqətə çatdırıb. Türk Hava Yollarının 350-dən çox istiqamətə uçuş həyata keçirərək Türkiyəyə xəstələrin gətirilməsində mühüm rol oynadığını deyən Emin Çakmak bildirib: “Dünyada Kangalda Doktor Balıq kimi tanınan Doktor Balıq sedef xəstələrinin gəldiyi yerlərdən biridir. Termal obyektlərimiz 50 ölkədən 3 milyon yaşlı pensiyaçıya xidmət göstərir. Burada hədəfimiz 2025-ci ilə qədər 5 milyona çatmaqdır. Səhiyyə xidmətlərimizdəki inkişaf xəstələrin sayının artmasına şərait yaradır. Bundan əlavə, Türkiyə xəstəyə düşən reanimasiya şöbələrinin sayına görə dünyada birinci yerdədir, bu, ən yaxın izləyicisindən iki dəfə çoxdur”.
FƏXRİYYƏ
