İranda ölkənin idarəsi üçün xüsusi komitələr yaradıldı
İranda Prezident İbrahim Rəisi və XİN rəhbəri Hüseyn Əmir Abdullahianın həlak olması ilə bağlı ölkənin idarə olunması üçün 6 xüsusi hökumət komitəsi yaradılıb.
AFN.az yerli mediaya istinadən xəbər verir ki, bu barədə hazırda İran Prezidentinin səlahiyyətlərini icra edən Məhəmməd Möhbər qərar qəbul edib.
Bildirilir ki, sözügedən komitələr dünən təsis edilib.
Qeyd edək ki, İran Prezidenti İbrahim Rəisi, xarici işlər naziri Hüseyn Əmir Abdullahian və digər rəsmilərin olduğu helikopter mayın 19-u qəzaya düşüb. Nəticədə helikopterdə olan sərnişinlər və heyət üzvləri həlak olub.
