Papua Yeni Qvineyada torpaq sürüşməsi: 100-dən çox adam ölüb
Papua Yeni Qvineyada baş verən sürüşmə nəticəsində 100-dən çox adam ölüb.
Avstraliyanın ictimai yayımı ABC-nin məlumatına görə, gecə saatlarında paytaxt Port Moresbidən 600 kilometr şimal-qərbdə yerləşən Enqa əyalətinin Kaokalam kəndində torpaq sürüşməsi baş verib.
Şahidlər torpağın altında qalmış 100-dən çox insanın öldüyünü bildirsələr də, itkilər hələ rəsmi orqanlar tərəfindən təsdiqlənməyib.
Sosial şəbəkələrdə yayılan videolarda dağın zirvəsindən qopan qaya kütləsinin yamacdakı torpağı sürüyərək kənddəki evlərin üzərinə qalaqladığı əks olunub.
