Rusiyada əkin sahələrinə təsir edən şaxtalara qarşı fövqəladə vəziyyət elan edilib
Rusiya Fövqəladə Hallar Nazirliyi şaxtanın əkin sahələrinə təsir göstərməsi ilə əlaqədar ölkədə fövqəladə vəziyyət elan edildiyini bildirib.
Ölkədə bir müddətdir yaşanan şaxtalar səbəbindən planlaşdırılan fövqəladə vəziyyətlə bağlı Rusiya Fövqəladə Hallar Nazirliyindən açıqlama verilib.
Açıqlamada qeyd olunub ki, 11 rayonda baş verən və əkin sahələrinə ziyan vuran şaxta hadisələri ilə əlaqədar fövqəladə vəziyyət elan edilib.
Rusiyanın Kənd Təsərrüfatı naziri Oksana Lut mayın 27-də məsələ ilə bağlı açıqlamasında alma ağaclarının şaxtadan xüsusilə təsirləndiyini və bu boşluğu aradan qaldırmaq üçün almaları xaricdən gətirə biləcəklərini bildirib.
Kənd Təsərrüfatı Nazirliyinin məlumatına görə, xüsusilə Rusiyanın mərkəzi rayonlarında mövsüm normalarından aşağı soyuq hava müşahidə edilir, şaxta səbəbindən təxminən 830 min hektar sahədə əkin sahələrinə ziyan dəyib.
