İsrail ordusunun hücumu səbəbindən Livanın cənubundakı bəzi kəndlərdə elektrik enerjisi kəsilib
İsrail ordusunun Livan sərhədindəki Rub Selasin qəsəbəsinə təşkil etdiyi artilleriya hücumları səbəbindən bəzi kəndlərdə elektrik enerjisinin kəsildiyi bildirilib.
Livanın rəsmi xəbər agentliyi NNA-nın məlumatına görə, İsrail ordusu ölkənin cənubundakı Rub Selasin qəsəbəsinə ağır artilleriya hücumu edib.
Hücum səbəbindən Rub Selasin və ətraf kəndlərdə elektrik enerjisi kəsilib.
Qeyd edək ki, İsrail ordusu dünən Livanın cənubunda Hizbullaha aid bəzi hərbi binaları və infrastrukturu döyüş təyyarələri ilə hədəfə aldığını açıqlamışdı.
Açıqlamada vurulan hədəflər arasında Aytarun bölgəsində və Ayta əş-Şaabda hərbi bina və Hizbullah infrastrukturunun, həmçinin Livanın cənubundakı Şakrada bir düşmən strukturunun olduğu bildirilib.
İsrail ordusunun gün ərzində Livanın cənubunda bir avtomobilə təşkil etdiyi hava hücumunda 1 Hizbullah üzvünün öldüyü qeyd edilib.
7 oktyabr 2023-cü ildən Qəzza zolağına hücumlarını davam etdirən İsrail, şimal sərhədində də Livan Hizbullahı ilə döyüşür.
Mənbə: AA
