Türkiyənin keçmiş xarici işlər naziri ATƏT-in yeni baş katibi oldu
Avropada Təhlükəsizlik və Əməkdaşlıq Təşkilatının (ATƏT) yeni baş katibi Türkiyə Xarici İşlər Nazirliyinin keçmiş rəhbəri, Türkiyənin BMT-dəki keçmiş daimi nümayəndəsi Feridun Sinirlioğlu olub.
Bu barədə təşkilatın hazırkı sədri, Maltanın xarici işlər naziri Yan Borq məlumat verib.
“ATƏT-in yeni rəhbərliyini təbrik edirik! Feridun Sinirlioğlu baş katibdir”, - o, X sosial şəbəkəsində yazıb.
Eyni zamanda, Demokratik Təsisatlar və İnsan Haqları Bürosuna Mariya Telalian (Yunanıstan), Kristof Kamp (Hollandiya) ATƏT-in Milli Azlıqlar üzrə Ali Komissarı, Yan Bratu (Norveç) isə KİV azadlığı üzrə nümayəndə olublar.
ATƏT-in əvvəlki baş katibi 2020-ci ilin dekabrından bu vəzifəni icra edən Helqa Şmidt olub. Onun üç illik səlahiyyət müddəti uzadılıb və nəhayət, 2024-cü ilin sentyabrında başa çatıb.
Qeyd edək ki, dekabrın 5-dən 6-dək Maltada ATƏT Xarici İşlər Nazirləri Şurasının iclası keçirilib.
