Zelenskinin ofisi Ukraynada hərbi vəziyyətin ləğvini çətin hesab edir
Ukraynada hərbi vəziyyətin ləğvindən danışmaq üçün hələ heç bir əsas yoxdur.
AFN.az xəbər verir ki, bu barədə Ukrayna prezidenti Vladimir Zelenskinin ofis rəhbərinin müşaviri Mixaylo Podolyak məlumat verib.
O qeyd edib ki, Amerikanın problemi həll etmək səyləri hələ ki, nəticə verməyib. "Seçkilərə hazırlıq yoxdur. Mayın 8-də və ya 9-da hərbi vəziyyətin ləğv ediləcəyini və seçkilərin 6 aydan sonra keçiriləcəyini söyləmək, yumşaq desək, bir qədər çətindir", - deyə o, "Kanal 24"-ün efirində qeyd edib.
Ukraynada orduya qəbulla bağlı problemlər fonunda 2024-cü il mayın 18-də səfərbərlik qaydalarını sərtləşdirən qanun qüvvəyə minib.
Ukraynada sonuncu dəfə hərbi vəziyyət və səfərbərlik müddəti fevralın əvvəlində 90 gün - mayın 9-dək uzadılıb.
