Nvidia-nın gəliri 62 faiz artıb
Kaliforniya mərkəzli çip istehsalçısı Nvidia-nın gəliri üç aylıq dövr ərzində illik müqayisədə 62 faiz artaraq 57 milyard dollara çatıb və bazar gözləntilərini üstələyib.
Nvidia hesabatında 2026 maliyyə ilinin üçüncü rübü kimi qəbul etdiyi 26 oktyabrda başa çatan üç aylıq dövrə dair maliyyə nəticələrini açıqlayıb.
Buna görə, şirkətin sözügedən dövrdə əldə etdiyi gəlir illik 62 faiz artaraq 57 milyard dollarla rekord səviyyəyə yüksəlib.
Gəlirini əvvəlki rüblə müqayisədə də 22 faiz artıran Nvidia keçən maliyyə ilinin eyni dövründə 35,1 milyard dollar gəlir əldə etmişdi.
Nvidia-nın gəliri bu dövrdə 55 milyard dollar olan bazar gözləntilərini üstələyib.
Şirkət mövcud rüblə bağlı gəlir gözləntisini isə 65 milyard dollar olaraq açıqlayıb.
Nvidia-nın xalis mənfəəti də həmin rübdə illik 65 faiz artaraq 31,9 milyard dollara yüksəlib.
Şirkətin xalis mənfəəti keçən maliyyə ilinin eyni dövründə 19,3 milyard dollar olaraq qeydə alınmışdı.
Nvidia-nın bir səhmə düşən mənfəəti də bu dövrdə 78 sentdən 1,3 dollara yüksəlib.
Nvidia-nın qurucusu və baş icraçı direktoru (CEO) Censen Huand maliyyə nəticələrinə dair açıqlamasında şirkətin ən yeni süni intellekt çipi olan Blackwell-in satışlarının gözləntilərdən çox yuxarı olduğunu bildirib.
Süni intellektin məhsuldar dövrünə daxil olunduğunu vurğulayan Huand “Daha çox sektorda və ölkədə daha yeni əsas model istehsalçıları, daha çox süni intellekt təşəbbüsü ilə süni intellekt ekosistemi sürətlə böyüyür” deyib.
