Rusiyanın İsveçdəki səfiri Xarici İşlər Nazirliyinə çağırılıb
Rusiyanın Stokholmdakı səfiri Viktor Tatarintsev iyunun 14-də krallığın hava məkanını pozduğu bildirilən Rusiya təyyarəsi ilə bağlı insidentlə əlaqədar İsveç Xarici İşlər Nazirliyinə çağırılıb.
AFN.az xarici mediaya istinadən xəbər verir ki, bu barədə İsveç Xarici İşlər Nazirliyi xəbər yayıb. Krallıq hökumətinin saytında dərc olunan mətnə görə,baş vermiş insidentlə bağlı Xarici İşlər Nazirliyi öz mövqeyini bildirmək üçün iyunun 18-də Rusiya səfirini çağırıb.
İyunun 14-də günortadan sonra Rusiyanın Su-24 bombardmançı təyyarəsi Qotland adasının şərqində İsveçin hava sərhədlərini pozub. İsveç tərəfinin bildirdiyinə görə, xəbərdarlıqlara baxmayaraq, təyyarə hava məkanından müşahidə aparıb və bu səbəbdən JAS 39 Gripen qırıcılarını "sındırmaq" lazım gəlib.
