KİV: Alman xarici kəşfiyyatı kadr qıtlığı yaşayır
Almaniya Federal Kəşfiyyat Xidməti (BND) kadr çatışmazlığı səbəbindən işində çətinliklərlə üzləşir.
Bu barədə Almaniyada nəşr olunan “Bild” qəzeti öz mənbələrinə istinadən məlumat yayıb.
Məqalədə bildirilir ki, problem BND üçün uğurlu xarici kəşfiyyatı demək olar, qeyri-mümkün edir: agent çatışmazlığı və hüquqi məhdudiyyətlər yaranır.
BND-nin hazırda 6500 əməkdaşı var. 700-dən çox vakant yer hələ də doldurulmamış qalır. Bununla belə, bir çox işçi həftənin bir günü uzaqdan işləmək imkanından əl çəkmək istəmir. Bəziləri tez-tez xəstəlik məzuniyyəti alırlar - mindən çox işçinin ildə 30 və ya daha çox xəstə günü var, bu, digər şöbələrdən çoxdur.
Rotasiya prinsipi deyilən proses Almaniya xarici kəşfiyyatının işini də çətinləşdirir. Nəşr misal gətirir: "Şimali Koreyanın raket proqramında iştirak edən mütəxəssislər vaxtaşırı yenidən hazırlıq keçməyə və maliyyə məsələləri ilə məşğul olmağa məcbur olurlar. Rusiya üzrə mütəxəssislər bu sahədə mütəxəssis çatışmazlığına baxmayaraq, Cənubi Amerika narkotik kartelləri mövzusuna keçməli olurlar. Yeni mütəxəssislərin işə götürülməsi uzun və bahalı prosesdir, müraciət edənlərin böyük əksəriyyəti xaric edilir".
Mütəxəssis Matthias Straun qəzetə deyib: "BND yalnız amerikalılar və ingilislər ona məlumat verərsə fəaliyyət göstərə bilər. BND-nin bu ştatda mövcudluğunu davam etdirməsinə icazə verən siyasətçilər məsuliyyətsiz hərəkət edirlər".
