Lavrov HƏMAS-ın tamamilə məhv edilməsini qeyri-mümkün hesab edir
İsrailin baş naziri Benyamin Netanyahu Qəzza zolağında atəşkəs üçün HƏMAS-ın tamamilə məhv edilməsini əsas şərt adlandırır, lakin bu tapşırıq real deyil.
AFN.az xəbər verir ki, bu barədə Rusiyanın xarici işlər naziri Sergey Lavrov Malayziyaya səfərindən sonra jurnalistlərə bildirib.
“Bu qanı dayandırmaq üçün hələlik heç bir perspektiv yoxdur, İsrail Baş nazir Netanyahunun ağzından atəşkəs çağırışlarına cavab olaraq, HƏMAS-ı tamamilə məhv etməyincə dayanmayacağını bildirdi. Bu, bir çox həmkarlarım tərəfindən dəstəklənir. Lakin mövcud olan, kifayət qədər imkanlara və kifayət qədər dəstəyə malik olan, o cümlədən müsəlman dünyasında olan bir təşkilatı tamamilə məhv etmək qeyri-real tapşırıqdır”, - deyə Lavrov bildirib.
O, qeyd edib ki, bəzi ölkələr İsrailin dərhal atəşkəsdən imtina etdiyini nəzərə alaraq zorakılığın mərhələli şəkildə dayandırılmasını nəzərdə tutan yeni kompromis təkliflər hazırlamağa çalışırlar. “Bəzi ərəb ölkələri, Misir, Qətər, amerikalılarla birgə işləyir, onlar da israillilərlə görüşlər keçirirlər, məncə, fələstinlilərin özlərinin son nəticədə müəyyən etmək üçün nəzərdə tutulan təmaslardan kənarda qalması çox doğru deyil. Biz Fələstin birliyinin bərpasına yardım etməyə davam edəcəyik”, - deyə Rusiya XİN rəhbəri qeyd edib.
