İsrail ölkənin kredit reytinqinin düşməsini müharibə ilə əlaqələndirib
"Fitch" tərəfindən İsrailin reytinqinin aşağı salınması dövlətin bir neçə cəbhədə ona qarşı tətbiq edilmiş müharibə ilə üzləşməsi ilə bağlıdır.
AFN.az xəbər verir ki, bu barədə İsrailin baş naziri Benyamin Netanyahunun ofisinin dəyişikliklərin səbəblərini izah edən bəyanatında deyilir. Sənəddə vurğulanır ki, İsrail iqtisadiyyatı stabildir və yaxşı işləyir: "Ölkə qalib gələndə reytinq yenidən yüksələcək".
"Fitch" mənfi proqnozunu saxlayaraq, İsrailin kredit reytinqini "A+"dan "A"-a (yüksək kredit qabiliyyətinə) endirən "böyük üçlük" beynəlxalq reytinq agentliklərindən biridir. "Moody's" bunu fevralda, "S&P" isə apreldə edib.
