MAQATE: Zaporoje AES-də nüvə təhlükəsizliyi ilə bağlı vəziyyət pisləşib
Beynəlxalq Atom Enerjisi Agentliyi (MAQATE) Zaporojye Atom Elektrik Stansiyasının yaxınlığında pilotsuz təyyarənin növbəti hücumundan sonra nüvə təhlükəsizliyi ilə bağlı vəziyyətin pisləşdiyini açıqlayıb.
“Vəziyyət stansiyanın perimetri boyu yolda pilotsuz təyyarənin hücumu səbəbindən pisləşir”, - agentliyin saytındakı press-relizdə deyilir.
Zərbə əsas soyuducu gölməçəyə yaxın ərazidə və 750 kV-luq Dneprovskaya yüksək gərginlikli xəttindən 100 m aralıda baş verib.
MAQATE mütəxəssisləri dərhal hadisə yerinə gedib və bildiriblər ki, zərbə partlayıcılarla təchiz edilmiş pilotsuz uçuş aparatı tərəfindən həyata keçirilib. Agentlik qeyd edib ki, hücum nəticəsində insan tələfatı və ya stansiyanın avadanlıqlarına ziyan dəyməyib, lakin yola ziyan dəyib.
“Biz bir daha Zaporojye atom elektrik stansiyasının nüvə təhlükəsizliyinə təhlükənin artdığının şahidi oluruq. Mən son dərəcə narahatlığımı davam etdirirəm və bir daha bütün tərəfləri maksimum təmkinli olmağa, stansiyanı qorumaq üçün müəyyən edilmiş beş konkret prinsipə ciddi riayət etməyə çağırıram" - deyə MAQATE rəhbəri Rafael Grossi bildirib.
