Nigeriya BRICS-ə tərəfdaş ölkə kimi qoşulur
Braziliya Xarici İşlər Nazirliyi Nigeriyanın BRICS-ə tərəfdaş ölkə kimi qoşulduğunu açıqlayıb.
Müvafiq bəyanat yanvarın 17-də Braziliya Nazirlər Kabinetinin saytında dərc edilib.
“Braziliya Hökuməti bu gün, 17 yanvar 2025-ci ildə Nigeriyanın birliyin tərəfdaş ölkəsi kimi rəsmi üzvlüyünü elan edir. Braziliya hökuməti Nigeriya hökumətinin qərarını alqışlayır”, - deyə məlumatda bildirilir.
Bununla da Nigeriya BRİKS-in doqquzuncu tərəfdaş ölkəsi olub. Bildirilir ki, Afrika respublikası Qlobal Cənub ölkələri arasında əməkdaşlığın gücləndirilməsinə yardım edir və qlobal idarəetmədə islahatların aparılmasının tərəfdarıdır.
