İsveçrənin ən böyük bankı Rusiyada aktivlərinin satışını qadağan edib
Moskva Arbitraj Məhkəməsi "Credit Suisse" və UBS banklarına "Credit Suisse Bank", "Credit Suisse Securities" və "UBS Bank"ın törəmə şirkətlərindəki səhm və paylara hər hansı şəkildə sərəncam verməyi qadağan edib.
Rusiyanın "Zenit" bankı İsveçrənin ən böyük kredit təşkilatlarına məhdudiyyətlər tətbiq etməyi xahiş edib. Məhkəmə onun vəsatətini qismən təmin edib.
Qərara əsasən, məhkəmə aktivlərin satışına qadağa qoyulması ilə yanaşı, vergi orqanlarına hüquqi şəxslərin Vahid Dövlət Reyestrinə bu səhmlərin mülkiyyət hüququ ilə bağlı hər hansı dəyişiklik edilməsini də qadağan edir. Eyni zamanda, məhkəmə "Zenit"in UBS və "Credit Suisse"dən hər biri 13,6 milyon dollar məbləğində vəsaitin həbsi kimi digər tələblərini də təmin etməkdən imtina edib. Qətnamədə bildirilir ki, Rusiya bankı bu tədbirin zəruriliyini əsaslandırmayıb.
