Rusiya iki ölkəyə qarşı təxribat fəaliyyəti ilə bağlı materialları Çinə verib
Xarici təşkilatların Rusiya və Çinə qarşı təxribat fəaliyyəti ilə bağlı materiallar çoxdan Çinə ötürülüb.
Bu barədə Rusiya Dövlət Dumasının Təhlükəsizlik Komitəsinin rəhbəri Vasili Piskarev bildirib.
Onun sözlərinə görə, Rusiya prezidenti Vladimir Putinin Çinə səfəri zamanı hərtərəfli tərəfdaşlıq və strateji qarşılıqlı əlaqələrin dərinləşdirilməsinə dair birgə bəyanat qəbul edilib.
Piskarev qeyd edib ki, komissiyanın yaxın planları suverenliyin qorunması və xarici müdaxiləyə qarşı qanunvericilik sahəsində təcrübə mübadiləsini davam etdirməkdir: “Biz bu yaxınlarda xarici təşkilatların Rusiya və Çinə qarşı təxribat fəaliyyəti ilə bağlı materialları Çin tərəfinə ötürmüşük”.
Daha əvvəl “Financial Times” yazıb ki, Vladimir Putin və Si Cinpinin Rusiya liderinin Pekinə səfəri zamanı verdiyi bəyanatlar ABŞ-ın üzünə sillədir.
Qeyd edək ki, Rusiya lideri mayın 15-də Çinə rəsmi səfərə gəlib. Ertəsi gün Pekindəki Xalq Yığıncaq Salonunda Putin və Si Cinpin arasında danışıqlar baş tutub.
