Avropa İttifaqı dörd rus hərbi müxbirinə qarşı sanksiya tətbiq edib: aralarında Peqov da var
Avropa İttifaqı (Aİ) 11-ci sanksiyalar paketi çərçivəsində rusiyalı hərbi zabitlər Semyon Peqov, Yevgeni Poddubnı, Aleksandr Sladkov və Mixail Zvinçuka qarşı sanksiyalar tətbiq edib.
AFN.az xəbər verir ki, bu barədə Aİ-nin rəsmi jurnalının saytında dərc olunan sənəddə deyilir.
Aİ müharibə müxbirləri Peqov, Poddubnı, Sladkov və Zvinçuka qarşı sanksiyalar tətbiq edib. Onlardan əlavə jurnalistlər Mixail Leontyev, Olqa Belova, Viktor Sinyok və Andrey Kondraşov da Aİ-nin qara siyahısına düşüb. Sanksiyaya məruz qalan Rusiya KİV nümayəndələrinin Aİ ölkələrinə girişi qadağan edilib və onların aktivləri, əgər icma ərazisində olarsa, dondurulacaq.
